Savais pas où poster alors je l'ai mis là ;-)
Le mercredi 26 jour de septembre l'an mil 380 et six, en la présence de Henry de Rully, lieutenant, et les atournéz Clément Erembaut, Robert d'Orgny [ …], arbalestriers, que bien et loialment ils serviront le roy et la ville au voiage d'Engleterre et ailleurs, où il plaira au roy nostre dit seigneur à les ordener; et aussi les dessus nomméz confessèrent avoir au des habitants de Senlis par la main de Pierre Sorin, dépensier d'icelle ville, la somme de sept francs et huit sols parisis par chacun pour leurs gaiges d'un mois.
Item, ce dit jour, présens les dessus nommés Jehan le vrain et Guiot Poupart, varlés des dessus nommés, firent le serment comme dessu est dit et aussi confessèrent avoir eu des dix habitans, c'est assavoir le dit Jehan II frans et le dit Guiot III frans.
(Archives de Senlis, BB. I, f° 45)
13 mai 1414
Sur la demande du roi, la ville se prépare à faire partir en masse pour le siège de Soissons tous les hommes capables de porter les armes.
Ausquelx dessus nomméz furent leuez unez lzttrez du roy nostre sire faisant mencion que le roy nostre dist seigneur mande aux habitants de la ditte ville que ilz lui envoyasseent à son siège devant Cessons (Soissons) la plus grant foison de gens d’armes, de traict et de mennouivriers qui pourront finer (trouver), avec canons, manteaulx, pics, piez de chevre et autres abillemens pour guerre, se aucuns en avoit en icelle ville, le plus hastement que faire se pourra ; et pour ce leur fu signifié le contenu ès dittes lettres afin que chacun feist son devoir de l’entérinement des dittes lettres ; et ce fait, les diz attournéz (gouverneurs) firent mettre par escript lez archers et les arbaléstriers de la ditte ville et lez gens d’armes d’icelle, pour monstrer au lieutenant du bailli pour faire la contrainte du contenu ès dites lettres ainsi que raisin devra.
(Archives de Senlis, BB. II, f° 51.)
31 Août 1410
La ville de Senlis d’engage à ses frais huit arbalétriers pour servir à l’armée royale.
Le dimanche, derrein jour du mois d’aoust mil IIIe et dix, en la présence de noble homme et saige Pierres de Prècy, escuier, baili et cappitaine de Senlis, de Jehan Seroine, Pierres de Normendie, Alain Joucourt et Arnaut du Mouton, atournès d’icelle ville, furent présens les personnes qui ensuivent.
Primo, Guillaume Buffet, procureur du roy nostre sire ;
Me Pierre le Clerc ;
….
Et plusieurs autres des habitants de la ville jusque au nombre de IIc (200) personnes ou environ.
Ausquels dessus nommèz furent leuez les lettres du roy nostre seigneur, par lesquelles il estoit mandé que la ville envoyast au mandement du dit seigneur de dens le XVe jour de septembre prouchain venant XXX arbalestriers armèz et pavaisiéz suffisamment ou tant que bonnement la ville en pourroit faire et que ilz advisassent entre eulz, ce qui en estoit à faire ; lesquelx tous d’un commun accort répondirent que de corps et de chevance ils estoient prèz de obéir au mandement du roy nostre dit seigneur seigneur et de loy servir en tout cas.
Et après ce, par l’avis dez assisetans et gens de conseilg, fu ordonné que la ville feroit VIII arbalestriers pavaisièz bien et suffisamment pour envoyer devers le dit seigneur et lors se présentèrent pour aller ou dit voiage, comme arbalestriers, Simonnin de Pont, Estienne de Beauvoisins, jaquot de Barrons, Jehannin Luillier, Jehannin Mausaint, Philippot de Saint Martin, Mahiot Tarbé et Michelet de Buef, lesquels dès lors firent serment devant mon dit seigneur le bailli de bien deuement et léalement servir la ditte ville ou dit voiage, eulx suffisamment arlèz et abillèz comme arbalestriers, pourveu toutevoiez que la ville leur aidera des armeures d’icelle ville ; et si fu fait marchié à eulz pour chacun mois qui serviront la ville ou dit voiage ilz auront de gaiges chacun XII escus d’or par ce qui livreront à leurs frias IIII varlès qui les pavaiseront, un chariot atelé pour mener leur cariage et un varlet pour mener le dit chariot et ce fait omz esleurent pour estre cappitaine d’eulx Jehan Luillier, auquel ils promirent obéir.
(Archives de Senlis, BB. II. F°26, r°.)